Chill and Grill

Open Now

Now Closed

而家香港可以帶竉物既餐廳越嚟越多，今次同乖仔過海來到堅尼地城，試下呢間Chill and Grill。因為同仔仔來所以只可以坐外面，不過入去去廁所嗰陣見到間餐廳好大，裝修到幾靚，中間有個焗餅專區，個廚房有塊大玻璃睇到廚師大顯身手，真係想坐入去享受下。坐低叫左杯生啤同Latte啖下先慢慢睇食乜。見到餐牌上Santa Monica Salad個名幾特別，就點左來試下，仲叫左個Golden Crab Yolk Spaghetti 。個沙律來到發現有隻水煮蛋係到，心諗做乜咁馬虎唔切開佢，一切開原來有啲蝦係入面，真係幾特別，啲菜好爽脆鮮甜，配上牛油果既軟糯，的確好開胃。個spaghetti 成碟金黃色咁，望到都覺得好食，意粉口感相當好，唔會太軟太硬，好掛醬汁，缺點係份量太少😂唔夠食。食完一邊坐一邊啖啤酒同咖啡都幾寫意，個環境幾適合舒緩平日工作既煩惱。