Here Thai Market

Open Now

Now Closed

聽朋友講呢度有間好好食嘅泰國菜，雖然係米芝蓮，但係價錢一啲都唔貴，而且啲環境仲好好，咁就一於去試吓啦。一去到見到原來地方真係好大，雖然好多客人，但係啲位都唔會迫。而且仲有兩部大電視，環境有少少泰國風，但係地方好整潔。一坐低就叫咗個椰青先，喺呢個天氣飲椰青真係好舒服。之後我就叫咗個安格斯牛肉船麵，佢嘅牛有牛腩牛筋同埋安格斯牛，食落真係同出面嗰啲差好遠，佢既牛好有牛味，而且好易咬，質感非常好。另外仲叫咗呢個黃咖喱蟹肉米粉，我覺得好特別，而且推介呢係甜甜地，小朋友都食得。而佢嘅蟹肉有好有鮮味，食得出係新鮮蟹肉嚟嘅。呢間餐廳又好食，而且價錢算平，唔怪得咁多人啦。