Video
Read full review
2020-11-08
4945 views
呢日同屋企人嚟試下呢間位於Times Square嘅中菜館，聽聞係由資深中菜大廚主理，主打花膠菜式，另外佢嘅燒乳豬都好出名，今次叫咗4人既精選套餐，有齊前菜、主菜、飯麵同甜品，每款菜式既水準都幾出色同平均，睇得出廚藝幾唔錯，只係服務方面有些小甩漏，同埋餐廳唔係太夠侍應，上菜較慢🙈🙈，不過食物方面都足以值得推介。杭椒水晶鴿呢款水晶鴿面頭既醬料用上好多新鮮既花椒粒，同平時食麻辣嘢既賣相唔同，呢款新鮮花椒係呈綠色，麻香味好出，鴿肉肉質實淨唔鞋，少少辣幾開胃。即燒無花果天下第一豬叫得做天下第一豬應該對出品好有信心，6件乳豬件配上無花果做成嘅醬汁，醬汁就唔係好食得出無花果味，比較似平時點既乳豬醬但無咁甜膩，乳豬就算放咗一陣，個皮依然脆卜卜，好香口，底下有一層薄薄既肥膏配埋肉一齊食，的確係幾好食既。濃湯花膠菜膽煲雞真材實料既湯，每碗都有好多雞肉，仲有大大件菜膽，當然唔少得花膠，有2件，屬於比較硬身唔係煲到腍晒好膠質個種，個湯飲得出真係用上好多雞餚出嚟既味道，雞肉經煲過之後都唔會鞋，飲晒成碗都唔會油，仲有種好養顏嘅感覺添😻😻無花果片皮雞二食（避風塘雞件或涼瓜炆雞件）呢款主菜分開咗片皮雞以及雞件2個菜
杭椒水晶鴿
呢款水晶鴿面頭既醬料用上好多新鮮既花椒粒，同平時食麻辣嘢既賣相唔同，呢款新鮮花椒係呈綠色，麻香味好出，鴿肉肉質實淨唔鞋，少少辣幾開胃。
即燒無花果天下第一豬
叫得做天下第一豬應該對出品好有信心，6件乳豬件配上無花果做成嘅醬汁，醬汁就唔係好食得出無花果味，比較似平時點既乳豬醬但無咁甜膩，乳豬就算放咗一陣，個皮依然脆卜卜，好香口，底下有一層薄薄既肥膏配埋肉一齊食，的確係幾好食既。
濃湯花膠菜膽煲雞
真材實料既湯，每碗都有好多雞肉，仲有大大件菜膽，當然唔少得花膠，有2件，屬於比較硬身唔係煲到腍晒好膠質個種，個湯飲得出真係用上好多雞餚出嚟既味道，雞肉經煲過之後都唔會鞋，飲晒成碗都唔會油，仲有種好養顏嘅感覺添😻😻
無花果片皮雞二食（避風塘雞件或涼瓜炆雞件）
呢款主菜分開咗片皮雞以及雞件2個菜式，片皮雞真係第一次聽，雞皮燒得香脆，本身以為雞皮下面係雞肉，原來係麵包配上無花果醬，模仿片皮鴨咁配醬汁同餅皮，麵包好鬆軟，配雞皮食可以解膩。至於雞件方面，唔食苦瓜嘅年輕人（即係我🤣）梗係揀避風塘啦，雞件份量好多，每件都包住炸皮，食落好香口惹味，辣度唔高，唔太食得辣既多會接受到。
黑蒜翡翠泡蝦球
好多中菜館都會見到類似既小菜，味道唔算好特別，勝在蝦球夠新鮮彈牙。
鮑汁花膠撈飯
份量頗大既撈飯，主要係食鮑汁既味道，不過花膠粒比較細粒同少，唔係太食得出。
蛋白杏仁露配果凍
好養顏既甜品，蛋白份量好多，飲落帶淡淡既杏仁香味，另外仲配埋一件杏仁凍，作為一餐飯既結尾好滿足呀😌
人均消費：$480
推介指數（10分為滿分）：8分
Post
