Video
Read full review
2015-05-20
2068 views
首先係大盤Seafood Platter😱有生蠔、蟹腳、蝦、翡翠螺等等等等等等等。全部海鮮都好新鮮，鮮甜又肥美，食到Lamlam脷😋呢間餐廳新開兩三個月左右，最近推出新菜單、新優惠😝299蚊有一大盤優海鮮，重送多一大支白酒，同區黎講，真係幾抵食！然後係黎到呢度必點既牛角包！估到牛角包入面夾住咩嗎？開估：北京片皮鴨😱Fusion既野，一係就9唔搭8，一係就好似呢個咁，擦出新火花👍牛角包個本質已經係世界級，酥脆無比，牛油味香濃，夾住皮脆肉嫩既片皮鴨，再點一點旁邊既甜麵醬，真係估你唔到！再試試大隻到無朋友既蜆！蜆唔係得個殼，蜆肉都好大隻！十分Juicy，一咬落去，已經爆到成口都係汁！正！個汁亦無馬虎，有好香濃既蒜頭同羅勒味，可以用黎點麵包都一流！呢度既沙律令我忍唔住要幫手清碟！加左美國紅石榴、柚子、血橙，酸酸甜甜，的確超級refreshing！比起一般加甜醋、柚子醋既更為特別！酸薑帶子又係fusion菜，帶子極級滑溜、新鮮，配上酸薑，一口KO！呢度既長通粉同扁意粉都煮得正宗，口感偏有咬口，唔會太腍太軟，剛剛好。蕃茄味同呑拿魚味都調得好濃郁特出，汁好惹味。上面既龍蝦同蟹腳，亦無overcook
首先係大盤Seafood Platter😱
有生蠔、蟹腳、蝦、翡翠螺等等等等等等等。
全部海鮮都好新鮮，鮮甜又肥美，食到Lamlam脷😋
呢間餐廳新開兩三個月左右，最近推出新菜單、新優惠😝
299蚊有一大盤優海鮮，重送多一大支白酒，同區黎講，真係幾抵食！
然後係黎到呢度必點既牛角包！
估到牛角包入面夾住咩嗎？
開估：北京片皮鴨😱
Fusion既野，一係就9唔搭8，一係就好似呢個咁，擦出新火花👍
牛角包個本質已經係世界級，酥脆無比，牛油味香濃，夾住皮脆肉嫩既片皮鴨，再點一點旁邊既甜麵醬，真係估你唔到！
再試試大隻到無朋友既蜆！
蜆唔係得個殼，蜆肉都好大隻！十分Juicy，一咬落去，已經爆到成口都係汁！正！
個汁亦無馬虎，有好香濃既蒜頭同羅勒味，可以用黎點麵包都一流！
呢度既沙律令我忍唔住要幫手清碟！加左美國紅石榴、柚子、血橙，酸酸甜甜，的確超級refreshing！比起一般加甜醋、柚子醋既更為特別！
酸薑帶子又係fusion菜，帶子極級滑溜、新鮮，配上酸薑，一口KO！
呢度既長通粉同扁意粉都煮得正宗，口感偏有咬口，唔會太腍太軟，剛剛好。蕃茄味同呑拿魚味都調得好濃郁特出，汁好惹味。上面既龍蝦同蟹腳，亦無overcook，肉質依然鮮嫩！
牛扒大約係七成熟，但都無韌，依然嫩滑富牛味。但我最欣賞既，係旁邊既紫薯蓉！一般都只會用普通薯蓉，呢度用上紫薯。而且紫薯蓉十分清甜幼滑，令人耳目一新！就算飽都忍唔住要不停再食！
最後到甜品。雖然唔係呢度既主打，但水準都唔錯。
藍莓芝士蛋糕好軟滑，芝士用料上盛，食得出好香濃既芝士味道。Creme brulee既焦糖面有燒脆，內裏嫩滑，但cream味可以再濃d！
Post
