會所1號 愉花園 (Closed)

好耐無飲茶喇！ 黎左呢到，環境又靚，坐得又舒服，點心又好食☺️香麻海蜇拼燻蹄係一個好好食既前菜，麻油味好香濃，海哲爽口，令人忍唔住繼續食。燻蹄肉質都好滑，唔會鞋！瓦煲上既豉油雞，煮得岩岩好，雞肉好滑，皮又薄。豉油味入味得黎，又唔會太鹹，真係好正！如果叫多碗飯就更正！小籠包皮幼薄，唔會食落成口面粉。點心岩岩蒸出黎，一咬開就即刻有肉汁流出黎！ 椒鹽鮮魷雖然唔算好驚喜，但都絕對係水準之上。佢炸粉好薄，脆口得黎又唔會成口粉。佢落既椒鹽都夠曬味，每一嚿都食到惹味既椒鹽，比好耐地方都出色！