醉翁亭火鍋館 (Closed)

依排天氣太凍，要去十下十下。醉翁亭食物一向有質素，今次仲推出埋任食，一定要試試。卡位好舒服好好坐，仲有埋腰墊，枱面夠大，另外再係枱前面放左張茶几，叫多d野都夠放。首先，當然落左个湯底先，有羊腩同雞煲可以encon,成班食就抵，因為今次得2個人所以打邊爐湯底就夠食，我地擇左冬瓜瑤柱鍋。另外有餐前小食，青瓜、云耳、雞腳同豬手，唔夠飽可以食埋牛河。飲品都有好多種類，但啤酒要另外比錢。鍋底同水餃皇先黎，鍋底有好多瑤柱絲。水皇入面有3隻鮮蝦，非常正！之後跟住上埋個每人一隻蠔汁冬菇炆鮑魚，唔洗錢嘅包埋有冬菇同鮑魚補補佢就埋晒。仲有極級牛頸脊一碟2人份量，雪花紋好靚，食落好厚身，好好食。仲有仲有海鮮併盤，有蝦，魚，墨魚，聖子，好新鮮，讚！仲未完禾，仲有刺身併盤，三文魚、魷魚同北寄貝，三文魚好肥美，魷魚好有咬口，北寄貝好鮮甜。如果唔夠仲可以加，但要另外加錢，不過以人頭計，都好足料。我地2個就岩岩夠食。另外任食部份都有好多叫左黑豚肉，好有肉味，好食唔會太厚。魚皮同響鈴係必食！仲有午餐肉、豬肚及腸粉！！真係食到好飽好滿足。