華小料理屋 (Closed)

登龍街一向都係有不少高質素餐廳嘅集中地，今次同朋友就去了其中一間日式餐廳午餐，除咗環境舒適之外，食物質素真係相當高。餐廳裝潢簡約，而且座位間亦相當寬闊，有食客可以有更很多私人空間，相當舒適。日本A3和牛壽喜燒鍋套餐賣相吸引，特別佢嘅日本和牛色澤粉嫩，套餐配有不同食品，真係睇見都流晒口水，壽喜燒湯底以秘製醬汁及純米吟釀已成。和牛肉質嫩滑帶有牛脂甘香，配上蛋液一齊食真係相當滿足。此外佢嘅沙律、茶碗蒸、味噌湯等亦相當出色。雜錦壽司套餐呢個套餐賣相同樣吸引，而且壽司亦相當新鮮，個人就覺得佢嘅海膽壽司相當出色，以呢個價錢食到咁嘅質素真係物超所值。最後餐廳更有自家製北海道牛乳布丁，味道剛好不會過甜，而且仲有淡淡的奶香。