House of Joy Oyster Bar and Restaurant

Open Now

Now Closed

同事介紹美孚饒宗頤文化館附近有一家好食嘅餐廳。我就拉埋妈咪一齊嚟食。呢間餐廳裝飾好大氣，顏色搭配到好特別，整體環境都非常舒適，服務生態度都相當地nice。首先先食烤阿根庭紅蝦牛油果沙律配熱情果油醋汁，牛油果香味配紅蝦一齊食真係一流，原隻紅蝦好大隻，口感十足又彈牙爽口，味道極佳。我食佢地嘅烤焗西班牙伊比利亞羊扒配自家製羊肉腸，配菜有紅菜頭蓉同埋羅勒莎莎。羊扒嘅擺盤好美觀，咬落去每一口都可以食到鮮嫩嘅羊肉，羊肉味十足，羊肉腸都做得好唔錯，成道菜都可以俾滿分。妈咪食牛肝菌黑松露忌廉汁意大利飯。濃郁嘅黑松露香氣撲鼻而來，配上爽口嘅牛肝菌，忌廉汁嘅味道令成道意大利飯增添咗豐富嘅味道同口感，非常美味。食完之後Mummy話下次再帶佢嚟食，佢食到十分满意，哈哈！