伍佰海鮮火鍋 (Closed)

早兩日同朋友傾開打邊爐，聽講尖沙咀新開左間火鍋店，依家天氣凍凍地就梗係去試吓啦。一入去發現店舖都幾大樓高兩層，聽講有一層都係包廂，而且平日去都好多人去食，真係有啲估唔到！我今次揀咗清潤海底椰雞腳鍋，一上台超級香，奶白色嘅湯底配上份量都唔少嘅雞腳，大火煲滾左之後真係忍唔住飲返兩啖試吓。一入口就有濃濃嘅椰子味，啱晒而家乾燥嘅天氣飲。佢嘅雞腳都唔少，而且粟米超級甜，強烈推薦大家試吓！另外我哋都叫咗少少火鍋配料，包括新鮮手切本地肥牛，伊比利亞黑毛豬，蟶子王，手工制墨魚滑同埋芫荽帶子餃。總括來講所有嘅食材我覺得都好高質，我自己最鍾意係佢嘅伊比利亞黑毛豬。平時鍾意食牛嘅我都估唔到呢碟黑毛豬竟然有驚喜，豬肉食入口嘅感覺竟然同平時食緊牛肉有啲相似，入口好滑嫩但係完全唔會有騷味。手切牛肉都不錯吃，牛肉吸收到湯底嘅鮮味，而且牛味都好重簡直一流！蟶子皇咁啱嗰日做緊特價，所以真係唔好執輸叫返一份，蟶子肉喺火鍋上面淥一陣就食得，入口好爽之餘仲會食到海鮮嘅甜味，係另外一個高質素之選。手工制墨魚話比平時坊間常見嘅更加彈牙，芫荽帶子餃入邊嘅芫荽味都好出，絕對係荽友們嘅最愛，加入左鮮味嘅帶子絕對係相得益彰。我覺得呢間餐