Video
Read full review
2017-12-15
292 views
銅鑼灣既忠記真係超抵食，無加一之餘仲有例湯同埋湯丸糖水送，侍應服務態度良好，舉手就好快有人過黎幫忙，而且有笑容有禮貌，不時主動過黎添茶，值得一讚！飲品又大杯，湯水好飲，糖水好重薑味，每人有2粒湯丸，好開心🤗土魷煎肉餅初初睇餐牌既時候以為d肉餅會好大件，但係上檯既時候真係好驚喜，因為佢賣相好精緻，比餐牌既相吸引好多，而且味道超出預期，肉唔會鬆散而且幾有口感，非常唔錯冬菇時蔬扒豆腐呢道菜我最鍾意係佢個冬菇，冬菇大大隻，分幾啖先食得哂，咬落多汁而且彈牙，好滿足xo西蘭花炒斑片鮮綠既西蘭花充滿咗xo醬既香味，聞落去已經流哂口水，但係重點係個斑片，斑片外面微脆，裡面超級嫩滑！呢道菜會係我既首選！椒鹽黃金豆腐黃金豆腐名不虛傳，賣相一流，表面炸到金黃色，裡面依然係保持好似豆腐花咁滑，呢個黎到一定要試竹笙羅漢上素原本以為素菜一定好清淡，冇乜味道，但係估唔到又幾好食，竹笙菇片都幾爽口，仲有我最愛既白菜仔～口水雞口水雞有雞味，同埋雞皮少少厚，佢肉質都好嫩滑，份量好大，6人食都已經好飽！香芋排骨煲鍾意食芋頭既一定唔可以錯過，d芋汁攞黎撈飯一流西蘭花炒牛柳粒呢個既賣相同餐牌比有d失色，但係亦因為咁形成一個強烈
飲品又大杯，湯水好飲，糖水好重薑味，每人有2粒湯丸，好開心🤗
土魷煎肉餅
初初睇餐牌既時候以為d肉餅會好大件，但係上檯既時候真係好驚喜，因為佢賣相好精緻，比餐牌既相吸引好多，而且味道超出預期，肉唔會鬆散而且幾有口感，非常唔錯
冬菇時蔬扒豆腐
呢道菜我最鍾意係佢個冬菇，冬菇大大隻，分幾啖先食得哂，咬落多汁而且彈牙，好滿足
xo西蘭花炒斑片
鮮綠既西蘭花充滿咗xo醬既香味，聞落去已經流哂口水，但係重點係個斑片，斑片外面微脆，裡面超級嫩滑！呢道菜會係我既首選！
椒鹽黃金豆腐
黃金豆腐名不虛傳，賣相一流，表面炸到金黃色，裡面依然係保持好似豆腐花咁滑，呢個黎到一定要試
竹笙羅漢上素
原本以為素菜一定好清淡，冇乜味道，但係估唔到又幾好食，竹笙菇片都幾爽口，仲有我最愛既白菜仔～
口水雞
口水雞有雞味，同埋雞皮少少厚，佢肉質都好嫩滑，份量好大，6人食都已經好飽！
香芋排骨煲
鍾意食芋頭既一定唔可以錯過，d芋汁攞黎撈飯一流
西蘭花炒牛柳粒
呢個既賣相同餐牌比有d失色，但係亦因為咁形成一個強烈反差，將原本冇咩期望既牛柳放入口反而有驚喜，牛肉好香，肉質好num，淨係食佢都餸咗一碗飯
和風芥菜汁帶子冷麵
食飽飽最後都忍唔住嗌咗呢個一直都好想試既帶子冷麵。本身唔太鍾意食芥末，冇睇清楚就嗌咗，但係都無礙我對呢道菜既喜愛，因為芥菜汁味唔係好重，而且個帶子係非常大粒，非常鮮甜，食完又想再食
Post
