Go Inside Kitchen (Closed)

今日去觀塘食野，想試啲新餐廳，見到呢間評價好，又有八折訂位，所以就黎左。禮拜六中午都有set lunch，價值抵，已包左餐湯蒜蓉包同一杯野飲。我地兩個人叫左一個飛魚籽煙三文魚闊條麵一個豬扒，另外加多左個黑松露蜜糖雞翼。餐湯係香椒忌廉湯，好香椒味，幾好。另外蒜蓉包值得一讚，因為夠牛油夠蒜蓉，熱辣辣。意粉都多料，個汁雖然稀少少但好夠味。而豬扒煎得好，好夠淋，味道好，本身已經有配薯條，薯條夠脆好食。八折後一人一百蚊鬆啲，超值。另外一讚員工好有禮貌，食完會主動收碟。會再黎！