至尊滿屋日本料理 (Closed)

忽然好想食放題，朋友話呢間放題質素唔錯，即刻book位試吓啦。一入門口已經見到琳瑯滿目既飲品，真係你講得出既都有，仲有個好大個甜品櫃，好多選擇。坐低即刻落單叫刺身，刺身都好新鮮，夠曬凍，特別推介蝦刺身，好鮮甜，啖啖肉。朋友重點推薦呢度個海膽手卷，果然好食，海膽無怪味，入口即溶，手卷細細個，食幾個都唔怕。牛舌有驚喜！爽嫩有嚼勁，肉味自然，整體屬水準之上！蒜片炒牛粒都好有水準，唔係平價貨。天婦羅即叫即炸，熱辣辣勁好食。蕃薯仔夠甜夠軟燒蝦甜品勁多選擇，係出面個甜品櫃到拎，雖然好多人左揀右揀，但職員補給都好快，瘋狂掃食！仲有特別口味既雪糕，超正。二百幾既放題，意外地每道菜都好有水準，絕對值回票價。