和氣食堂 (黃大仙中心南館)

Open Now

Now Closed

探親戚黎呢頭，發現黃大仙中心多左咁多野食既，我真係太耐冇黎喇咁就簡左間日本餐廳餐廳採用日式格調，酒吧上有好多唔同種既酒。我地叫左個芒果三文魚蟹子沙津，本身沙津大大份，而且蟹子勁勁勁多，食落口卜卜聲好滿足。而且芒果份量都唔少，又甜唔酸，好食之後黎既有黑松露鵝肝帆立貝卷，黑松露味好重，而且鵝肝煎得好香口，入口即融然後同行朋友叫左黑豚腩燒丼，豚肉燒上黎同醬汁調配好味，唔會太咸，醬汁夠撈飯，而且外配泡菜，配起上黎會辣辣地幾特別另外我地叫左個白咖哩烏冬，咖哩味道十分白濃，唔算太辣，但會令人一口接一口咁食烏冬附上既炸雞係即炸，雞都好juicy,而且皮薄，好食另加左個小食，照燒魷魚🦑筒，一樣既燒汁唔太咸，而且燒得岩岩好，唔會咬唔開但有咬勁，送酒一流我地總叫左日本清酒石碢煮蜆，蜆肉算大粒，而且卜卜漲，有淡淡清酒香，碢中有少量配菜，佢地吸哂清酒味，都一樣好食。最後，我地總叫左紅豆宇治抺茶牛奶雪糕🍦，有驚喜，原本會覺得好甜，但呢個出奇濃厚既抺茶味，但又唔算太苦，好食！真心！好食，下次剩食甜品都要再黎餐牌其實好厚，咩都有，再黎既話，我想試佢既刺身丼，咁靚仔好樣，唔知會點呢