Video
Read full review
2020-04-11
331 views
購物係女人嘅天性，以前成日好鍾意去旺角行街、血拼，偷佢夠平、又方便，應有盡有，多餐廳選擇，無論咩菜式都可以到。當日，同閏蜜打算食個飯就去血拼，去咗朗豪坊最上嗰幾層，隨心隨意咁揾吓有咩餐廳好食，係門口見到呢間丸十壽司日本食堂，裝修好似幾高級咁，睇完餐牌我同朋友都啱食，就入咗去。燒鰻魚飯 (7/10)喺香港食嘅鰻魚，真係十間有八間都有骨，但呢間餐廳嘅鰻魚冇乜骨👍🏻，鰻魚嘅質感都幾淋、junicy，唔會烤得過份而失去質感，鰻魚控嘅係一定要試！雞之盛宴串燒 (7/10)手羽先雞全翼串燒，雞皮燒得剛剛好，脆得黎又保留肉汁鮮嫩。大蔥日本雞肉串雞肉嫩滑，大蔥味都滲入雞肉，上面有一層日式雞醬，甜甜地，幾日本感覺。免治雞肉串以手打雞肉方式，再搓成圓條形，口感幾爽口，普通鹽燒已經好味。雞胸軟骨平時食開嘅雞軟骨，真係得舊骨，呢度嘅軟骨，有埋雞胸肉，雞胸黎講唔算好鞋，入面嘅雞軟骨爽爽脆脆，幾過癮。雞皮燒得剛剛好，一啲都唔乾，仲有啲雞油係入面，口感脆卜卜，雖然肥膩但幾好食，真係邪惡。炸軟殼蟹卷 (7/10)炸過嘅軟殼蟹特別香脆可口，加埋牛油果、青瓜，味道幾夾，清新唔膩。總結，餐廳幾大，座位舒服，係度食飯閒聊啱曬
當日，同閏蜜打算食個飯就去血拼，去咗朗豪坊最上嗰幾層，隨心隨意咁揾吓有咩餐廳好食，係門口見到呢間丸十壽司日本食堂，裝修好似幾高級咁，睇完餐牌我同朋友都啱食，就入咗去。
燒鰻魚飯 (7/10)
喺香港食嘅鰻魚，真係十間有八間都有骨，但呢間餐廳嘅鰻魚冇乜骨👍🏻，鰻魚嘅質感都幾淋、junicy，唔會烤得過份而失去質感，鰻魚控嘅係一定要試！
燒鰻魚汁
18 views
0 likes
0 comments
雞之盛宴串燒 (7/10)
雞之盛宴
25 views
0 likes
0 comments
手羽先
雞全翼串燒，雞皮燒得剛剛好，脆得黎又保留肉汁鮮嫩。
大蔥日本雞肉串
雞肉嫩滑，大蔥味都滲入雞肉，上面有一層日式雞醬，甜甜地，幾日本感覺。
免治雞肉串
以手打雞肉方式，再搓成圓條形，口感幾爽口，普通鹽燒已經好味。
雞胸軟骨
平時食開嘅雞軟骨，真係得舊骨，呢度嘅軟骨，有埋雞胸肉，雞胸黎講唔算好鞋，入面嘅雞軟骨爽爽脆脆，幾過癮。
雞皮
燒得剛剛好，一啲都唔乾，仲有啲雞油係入面，口感脆卜卜，雖然肥膩但幾好食，真係邪惡。
炸軟殼蟹卷 (7/10)
炸過嘅軟殼蟹特別香脆可口，加埋牛油果、青瓜，味道幾夾，清新唔膩。
炸軟殼蟹卷
14 views
0 likes
0 comments
總結，餐廳幾大，座位舒服，係度食飯閒聊啱曬，而且裝修得非常高級餐廳，食物質素都好高級，兩碗鰻魚飯、串燒拼盤、一客炸軟殼蟹壽司，雖然埋單六百幾蚊，不過值得嘅！
Post
