地茂館甜品

Open Now

Now Closed

九龍城嘅地茂館甜品真係食咗好多年，佢雖然都係老舖，但水準一直維持，亦冇一般老舖嘅弊病，例如環境殘舊或者服務不佳，所以咁多年都係九龍城食甜品首選。芝麻杏仁茶芝麻糊溝咗杏仁茶，結合咗雙重嘅香味，質感就比較稀啲。補腎合桃露呢碗合桃露非常足料，好濃好香，食完又飽肚又溫暖，好滿足。紅豆馬豆糕質感結實，唔會一掂就碎，紅豆亦煮得夠軟，有椰汁香又夠滑。值得一讚佢嘅員工服務態度好好，又會細心幫你留意食物上咗枱未，有冇漏單等等。食物做得好唔容易，要長期維持做得好就更加唔容易，呢間食店真係值得支持。