響 - Hibiki 日本燒肉 (Closed)

今日朋友仔生日食飯，要滿足佢又飲又食，所以就通佢食放題，「響」既放題除咗出名牛係超水準之外，仲要有多款酒任飲，啱哂朋友仔啦。啤酒、梅酒、柚子清酒⋯⋯鍾意點飲都得🥂🍻🍷🥃🍸因為食燒肉，佢哋好貼心架，有多款調味料任你落，咩口味都無問題啦！一坐低就會自動送上食物，所以唔使心急叫野食😊首先一人有半隻龍蝦，有成隻碟咁長，都好大隻，蝦肉新解又爽甜。再黎刺身拼盤，嘩😱塊海膽大塊到呢，又厚肉，食落仲非常甘香。跟著仲有燒魚啦，跟著就係我至愛燒肉啦⋯⋯只係牛就有五款慢慢燒，食完仲可以再叫，飽到我呢😜我覺得和牛西冷最好食，脂肪分佈平均，入口即溶啦！仲有豬肉、雞亦、串燒、蔬菜，同埋最鮮甜既菠蘿燒。記得食埋炸榴連呀，香濃榴連肉，好似食緊新鮮榴連咁😂食埋雪糕做甜品，真係超滿足😋