Trattoria Kagawa by Mihara (Closed)

今晚朋友約咗我去灣仔食飯，原來帶我嚟食青口任食！！！你間餐廳幾有情調，燈光昏暗，適合靜靜地傾偈或者約會。青口任食有三款味道：蕃茄、牛油忌廉、白酒，我覺得牛油忌廉同青口最搭配，蕃茄味就辣辣地，少少惹味，都唔錯。 除咗任食青口，新鮮炸起嘅薯條亦都係任食👍🏻👍🏻👍🏻除咗青口，餐牌亦有其他食物，我哋加咗一客ham 同埋 Wagyu beef Rossini。和牛配上煎香咗貺鵝肝真係好邪惡，如果配搭紅酒一齊品嚐，一定好正。呢度整體食物質素都高，下次可以再同閨蜜過嚟呢度食。