忠記咖啡屋‧私房菜 (Closed)

一班人去食飯，除咗旺角區有好多唔同類型嘅火鍋放題之外，其實都可以選擇一下銅鑼灣區呢一間咖啡室私房菜。地理位置都幾方便，地鐵站行幾分鐘就到。由於係私房菜嘅緣故，一早已經set定左餐單。和風芥末番茄金磚豆腐和風芥末番茄整到成個士多啤梨咁，賣相非常有趣。個番茄都比較甜，有少少胡麻醬，仲有啲芥末搞到成件事又香又甜又辣；金磚豆腐拉麵真係豆腐，出面就有啲七味粉同埋好香脆，鹹香十足。脆脆三弄黃金雞棒西西里芥末（牛油、鹹蛋黃、椒鹽）三款味道的雞口味都好特別，而且表面質感香脆，各有各的獨特，牛油味就比較香甜，鹹蛋味就較為有質感。鐵板黑椒汁無骨鹹豬手非常有趣，鹹豬手已經冇骨，仲要加埋黑椒汁，其實唔係太鹹，入口鬆化口感不錯。太極扒西洋菜啲西洋菜非常嫩，加埋上面啲蛋白蝦仁🍤等等太極圖案，又好睇又好食，不過因為今次私房菜已經有太多嘢食所以我哋冇額外叫飯，否則同飯一齊食係非常正。金牌無骨口水雞個質感比平時食嘅比較不同，佢個香辣嘅味道十分特別，喺其他地方食唔到呢隻味。而且啲口水雞嘅質感都非常滑嫩呢！香煎潮式蘿蔔糕生菜包都好得意架，平時聽過泰式生菜包豬肉，生菜包蘿蔔糕有試過未？蘿蔔糕口感有彈性而且鹹香十足，比新鮮爽口