Reserva Ibérica • The Ham Shop • Signature Kitchen (Closed)

今日同女朋友去左灣仔食飯，一間主打西班牙菜的餐廳，環境相當有風味，餐廳分上下兩層，岩哂一大班朋友去食飯。龍蝦清湯。賣相相當有特色的餐湯，餐湯配上魚籽醬多士，賣相華麗，比人一種享受高品質的感覺。30/60個月風乾火腿，蕃茄多士。西班牙最出名就是風乾火腿，火腿咸香分上兩種品級。火腿油香甘甜，最後有咸香味道，油脂唔會好高唔會好膩口。之後再食蕃茄多士相當清新。紅蝦卷。非常有特色的紅蝦卷，慢慢卷起薄薄的紅蝦，夾上沙律菜，入口鮮甜清香，非常開胃。鮮帶子油醋。帶子鮮甜厚肉，配上油醋的清香，入口更能帶出鮮味。芝士拼盤。各款不同味道的芝士非常滿足，岩哂女朋友。佢超鐘意食芝士炸茄子。茄子入口多汁完全唔會炸到好乾，配他他醬非常滋味。慢煮八爪魚最岩我口味。八爪魚入口嫩滑爽口，清清地味道最後有陣陣鮮甜，配上薯粒。乳豬配燈醬。醬汁超特色，乳豬配橙醬，用上橙調上醬汁，酸酸甜甜減低乳豬的肉膩感。乳豬香脆香口，入口肉嫩多汁，超讚紅蝦西班牙飯。飯粒有咬口吸哂醬汁入口味濃，蝦肉爽嫩煎得香口鮮甜，調味剛好唔會太咸，旁邊伴上不同海鮮。最後有布丁。粒粒好似西米的充滿咬口，布丁滑溜甜度不高。我地一邊食飯一邊飲酒。