長洲薄餅

Open Now

Now Closed

今日趁個天氣幾好就入左長洲行下，玩到咁上下就去左呢間《長洲薄餅》食啲野。今日餐湯係南瓜湯，入口南瓜味十分之濃，食得出係真材實料咁打出嚟，個cream,亦令個湯更加順滑，湯上面有啲唔同既配料同香草，令個湯更多一份層次。薄餅就叫左個長洲薄餅，用料以海鮮為主，比起坊間既海鮮薄餅更加新鮮鮮甜，薄餅亦烤得十分之鬆脆，熱辣辣咁真係好正。意粉選擇左Carbonana，個汁調得啱啱好，每條意粉都掛到個蛋黃汁，而且煙肉唔會過乾過軟，食起上嚟唔會死實實，咸香味亦令個意粉更香。而且意粉上面唔會落太多芝士粉，同時提供芝士粉俾客人自由咁落，同時滿足到喜愛同唔喜愛芝士粉嘅人呢。