Aroma Dessert Cafe (Closed)

一向唔喜好素食嘅我，朋友專登帶我去荃灣試下，今次去到間以賣甜品為主嘅 “Aroma Dessert Cafe”小店門外佈置精美，放上不少綠色植物。門外餐牌主力介紹甜品為主。内裡環境唔大，坐位有限，遲少少黎都要等位。有6款素食午餐，收費都只是$45，另加$5可配飲品(冷熱飲、特飲系列、果茶)。1. XO 醬素肉雜菜炒烏冬伴太陽蛋($45)。店員落order 時好細心問要全熟蛋定半熟蛋。素食XO 醬好味，烏冬炒得乾食，素肉同樣美味，加上紫菜碎，好有日式風味2. 蕃茄數肉蘑菇意粉($45)，素肉同蘑菇份量多，意粉軟硬度適中3. 加$5 特濃朱古力，朱古力味濃郁，同樣高質4. 原味窩夫($50)，連雪糕，窩夫即叫即整，加上生果，再配上忌廉及焦糖，十分美味5. 厚 Pancake 伴海鹽芝士卡士達醬($68)，同樣即叫即焗，Pancake 入口即溶，有啖啖海鹽咸味，口感夠鬆軟，再配上雲呢拿雪糕確一流。整體來講，店員服務態度好同細心，午餐價錢優惠，食物水準高，值得推薦。