Video
Read full review
2022-07-03
2980 views
喺歐洲留咗咁耐，其實最珍貴嘅係菜🥬 唔知點解啲沙律都好鬼死貴，同啲肉一樣咁貴，但係出街食飯又好少菜，隔離酒店又好少菜，感覺呢個應該係我人生食得最少菜嘅一個月🤭（賣下廣告先：story highlights 有我嘅歐遊同隔離日常🤣）成個月製造左咁多碳排放，於是一出返嚟即刻要同屋企人去食返餐素菜懺悔一下😀 呢間係bookmark咗好耐好想食嘅素菜自助餐 💗喺隔離期間已經book定要食😂😂一嚟到前菜已經有驚豔到，原本以為紫菜只會得沙律但係佢呢度仲有埋厚切魚生刺身，如果合埋眼食嘅話其實真係可以以假亂真🤣拎完前菜返到去就見到每位一份嘅羊肚菌蟲草花八寶燉盅湯同素鮑魚，個湯飲落去好清甜好暖胃，而且好足料，鮑魚食落去都好像真🥰泰式酸辣XO醬野菜pizza係薄批，脆脆地嘅批底加埋芝士幾邪惡🧀有啲西蘭花同菠菜夾餡食落去口感幾有層次🤪素冬蔭功飲落去酸酸辣辣幾正，而且入邊都有好多素海鮮🇹🇭整體嚟講炒嘢，例如係炒粉、炒麵、同埋XO醬炒蘿蔔榚都幾有鑊氣👍🏻其他中式菜入邊，自己就比較鍾意食素叉燒，佢個蜜糖汁整得唔錯，食落去都幾有叉燒嘅味道🫶🏻最估唔到嘅係呢個價位嘅自助餐都有live station做串燒吧🍢真心超香
55 views
2 likes
0 comments
一嚟到前菜已經有驚豔到，原本以為紫菜只會得沙律但係佢呢度仲有埋厚切魚生刺身，如果合埋眼食嘅話其實真係可以以假亂真🤣
59 views
0 likes
0 comments
56 views
0 likes
0 comments
泰式酸辣XO醬野菜pizza係薄批，脆脆地嘅批底加埋芝士幾邪惡🧀有啲西蘭花同菠菜夾餡食落去口感幾有層次🤪
53 views
0 likes
0 comments
42 views
0 likes
0 comments
最估唔到嘅係呢個價位嘅自助餐都有live station做串燒吧🍢真心超香，而且烤得外面脆脆地，完全食唔出係素🥹屋企人都話呢個最好食🤤除咗串燒，佢哋仲有好多炸物同埋香口嘢，自己最鍾意食佢個燈影紅菜頭，有啲似天婦羅咁🍤
52 views
0 likes
0 comments
除咗主食佢仲有好多甜品同埋湯，不過真係太多選擇食得太飽食唔晒🤣飲品都有五六款，屋企人特別鍾意飲羅漢果水同埋洛神花檸檬水🤪
自己最欣賞就係呢一間嘅選擇好多，而且樣樣野都好新鮮，雖然大家睇相都會見到今日係全場滿座😂但係佢哋有兩三位員工係到望住邊啲食物冇就即刻透過對講機叫人哋refill，所以食物refill嘅速度都好快，基本上冇見過空盤，甚至去到最後仲會見到有啲新款式出嚟😛 同埋佢啲素肉都好高質素，完全食唔出係齋菜，相信就算係食肉獸都應該會好滿意☺️
總括來講，雖然呢一間嘅素菜自助餐比起其他同類型餐廳價錢會貴少少，但係佢嘅質素喺返度💗所以真係一分錢一分貨🫶🏻相信無論係小朋友，老一輩過嚟定係後生嘅一班朋友過嚟食都會搵到自己啱食嘅素菜💚
❃注意❃
雖然呢度寫原價係$220/位其實埋單最後就算係公眾假期夜晚都係比緊$188/位包埋+1，OpenRice平時都有做折扣，平日仲會再平啲👍🏻如果想食嘅話真係一定要喺OpenRice嗰度買定折扣券🤣
32 views
0 likes
0 comments
25 views
0 likes
0 comments
28 views
0 likes
0 comments
Post
