花盃日本料理

Open Now

Now Closed

我哋一家嚟食晚餐，一早book咗枱，囝囝好開心，因為可以睇住個廚師煮食物。我哋order咗天婦羅烏冬($80)和兩客鐵板燒($380 each)，有大蝦，銀鱈魚，牛肉，炒飯和炒芽菜。先嚟沙律，幾新鮮加上酸酸哋嘅dressing，幾開胃。跟住就上前菜，蘿蔔很甜，碎牛肉也好味。廚師巳經準備咗食材，他很熟手，他先燒蝦，好快就有得食，蝦很爽口又有蝦味，仲有膏tim，味道很好。剛食完蝦，銀鱈魚就到嘞，煎得唔夠香，魚很肥美，有少少脆，但以前好味啲。薄牛肉好好味，牛肉包著啲葱和蒜片，好香口，牛肉又不會過熟。值得一讚，跟住廚師燒牛肉粒，賣相不錯，我哋要medium rare，他煮得啱啱好，加上脆脆嘅蒜片，真係好味道。炒飯很乾身，加上之前嘅牛肉碎和大量葱粒，飽都要食啦，好滿意呀。最後係炒芽菜，味道也不錯。Miso soup 味道也ok，但太飽了，只可淺嘗。原來仲有甜品一芝士蛋糕，不過不失吧。天婦羅賣相吸引，囝囝話佢碗天婦羅烏冬都好好味，我只幫他吃咗青椒，其餘他自己食哂。