但馬屋 (新都會廣場)

Open Now

Now Closed

Item: Tajimaya (Metroplaza)
Rating: 5
Author: 膠龍兔豬

Tajimaya (Metroplaza)

359 Reviews

Taste

Decor

Service

Hygiene

Value

10487

Kwai Fong

$201-400

Japanese Hot Pot

261

膠龍兔豬

Level4

263

Read full review

📌 但馬屋 (新都會廣場) - 葵芳興芳路223號新都會廣場2樓251-255號舖
🗓(16/7) 星期六 ⏰ 晚上5:30左右

💈特式：放假去左葵芳行新都會廣場，晚飯就揀左呢間但馬屋，但馬屋係香港都應該有唔少人識，佢其實係同牛陣同一個集團，不過分店就比牛陣少好多，得葵芳/觀塘/屯門3間。

🥩🍔🌭🌮🥗🥯🥘🍲🍝🍣🥟🍤🍱
食物：最近餐廳推出夏祭限定蕃茄壽喜燒，同拉繩抽獎遊戲活動，埋單時好彩職員提醒我可以玩拉繩抽獎遊戲，雖然獎品就唔係d咩名貴野，但勝左開心玩下，而家等我同大家講下🍲味道先。

🍲🐷北海道夢之大地豚放題套餐 $299 - 我今次就揀左呢個晚市中最平嘅套餐，用餐時間就90分鐘，主力食夢之大地豚肉，但套餐都仲會包左可以任食澳洲產長期穀飼牛/嚴選牛肉/丹麥皇冠豚肉。

🥘湯底 - 湯底就係一人一鍋的，當然就要揀期間限定嘅蕃茄壽喜燒，清新帶微酸嘅蕃茄，配合甜甜嘅壽喜燒湯底，比到一份好夏天feel嘅酸甜開胃口味，佢地上枱時係已經會舖上野菜，而且會用上傳統壽喜燒嘅扁鐵鍋，待燒熱後再加入肉，最尾再倒入蕃茄壽喜燒湯汁。

另外嗰個就揀左甘露鍋，其實就係平時嘅甜豉油湯底，用嚟襯肉類唔錯，而其他湯底係會用返普通一人一鍋尺寸嘅小湯鍋。

🐷 北海道夢之大地豚/丹麥皇冠豚肉 - 我揀呢個餐除左因為價錢平之外，就係對佢地隻夢之大地豚肉有興趣，餐廳有介紹係採用在北海道飼養的銘柄豚，食落口感肉質幼嫩，肉味濃得嚟香，油脂帶有點甘甜，油花均勻。但正因為呢隻夢之大地豚肉太超班，所以我已經完全忘記左另外嗰隻丹麥皇冠豚肉咩味道。

⭐️之後上網睇返呢隻銘柄豚點解會叫做「夢之大地豚」，原來除了佢上乘嘅口感之外，係因為佢含有嘅膽固醇極之低，同埋營養價值高，包含左維生素B1/膠原蛋白，有助改善皮膚/骨骼，同增強免疫力。 

🐮 澳洲產長期穀飼牛/嚴選牛肉 - 我一開始就係用澳洲穀飼牛嚟學人整個壽喜燒鍋，呢款牛肉油脂分布均勻，有好香肉味，肉質柔嫩，油膩感比較輕微，唔會食幾片就會好膩。嚴選牛肉就唔算差，但兩者比我就一定會偏向揀澳洲穀飼牛。

火鍋配料 - 出面自助吧有好多季節性野菜/火鍋配料可以攞，比較特別同推薦嘅食材有：秋葵/蟹味菇/紫心蘿蔔/小魚輪/虱目魚丸/心形魚腐等，其他丸類/蔬菜無逐樣嘗試，但見到賣相都唔錯。

🍉水果/🍨雪榚 - 自助區仲可以攞新鮮水果，包括西瓜同哈密瓜，但講到回本位之一就不得不提呢度有Häagen-Dazs 雪糕任食，就連最近出嘅柚子檸檬馬卡龍新口味都有。

☕️🍵🥤🧋🍺🍷🥃🍹🧉🍾🍶🥛
飲品 : 飲品係自助形式，自行去雪櫃或自助區度攞，都有不少款式罐裝汽水及茶，淨係道地罐裝茶都有6~7款。

🍽環境：餐廳座位都坐得幾舒服，整體感覺乾淨整潔，不過餐廳佔地唔大，座位亦都唔算多，所以想食嘅朋友就最好預早book位了。
出面醬料區同自助區空間都唔細，而且都keep得好乾淨衛生，餐廳抽風亦做得算唔錯，唔會有好大油煙味。

🤵🏻🤵🏻‍♀️🤵🏻‍♂️服務：職員好細心介紹menu上套餐/湯底，亦有指示自助區及飲品擺放位置等等，態度認真唔錯。跟餐每款肉都會先上一碟，之後就全程係用QR Code落單，上菜/收碟速度都好迅速，亦無漏單/扣單情況出現。

💰💸價錢：晚市套餐就$300/人就可以食到北海道夢之大地豚肉放題，仲有其他火鍋配料/Häagen-Dazs 雪糕等任揀任食，而且佢地呢隻豚肉質素真係超班，所以呢個價錢相當抵食。

🐲💬總結：我第一次食呢隻銘柄豚 -「夢之大地豚」，覺得真係可以用一試愛上嚟形容，我好少食火鍋會狂食豚肉多過牛肉，我應該會為左呢款「夢之大地豚」再嚟幫襯。

推薦指數：❤️❤️❤️❤️❤️