養心殿台式養生鍋 (Closed)

係馬鞍山搵野食真係好難😐難得見到有間有質素嘅火鍋店，點可以錯過呢～美人鍋湯底叫左美人鍋，湯底清甜帶咸，內有一整隻烏雞，煲到肉質變軟，一絲絲雞肉加上湯底，非常好味～手切肥牛每日限量嘅手切肥牛，肉身厚、雪花均勻，食落口牛味充滿口腔，食完一舊接一舊～餃子拼盤餃子拼盤有雲吞、魚皮餃、水餃、麻辣牛肉餃、韮菜餃及水蓮餃，各有特色，隻隻都分量十足。手工丸類拼盤手工丸類拼盤有鵝肝墨魚丸、黑松露蝦丸、芝士牛肉丸、墨魚丸、蝦丸及梅菜豬肉丸，當中最鐘意黑松露蝦丸，黑松露味道突出。響鈴卷呢個係必叫，岩岩炸出來嘅響鈴卷，浸湯兩秒撈起，外香內軟，好食過出面嘅好多。紅綠豆沙芋圓食完之後上嘅糖水，係凍架！仲要有我最鐘意嘅芋圓，為呢一餐畫上完美句號。