稻八日式火鍋炸物放題 (Closed)

通常食得放題都會覺得質素比較參差，今日嚟到度八真係覺得值得推介！真心覺得好食！我哋叫咗$298和牛放題餐，等待個鍋嘅時候就出去攞醬油配料。出面有其他配料，例如：菜類、丸類、乳酪、炸天婦羅等等 ......天婦羅好得意，可以自己製作，將食材加入麵包糠，然後拎去炸。不過朋友試咗，自己炸好似有啲難，炸得麻麻地，哈！我哋仲叫咗刺身，刺身係任食，種類都好多，而且幾新鮮。我哋叫咗甜蝦、螺肉、帶子、北寄貝、三文魚、油甘魚等等，質素都算唔錯。而且仲有海鮮拼盤：有蝦、青口、八爪魚、蟹柳等等。和牛終於嚟到，有和牛牛肩胛肉、牛舌、牛胸牛下腹、安格斯牛小扒，所有牛都好好食！因為我係牛嘅愛好者，覺得呢度嘅邊爐牛肉非常之出色；而且仲係和牛任叫！真係超級抵食！放題質素真係好高，牛肉掂！