居酒屋·姫 (Closed)

今晚喺尖沙咀行完街，去咗居酒屋食飯。天文台圍呢邊好多餐廳，今晚揀咗 姫。餐廳採用木色裝修，感覺舒適簡潔。食物選擇唔算好多，不過居酒屋大路嘅菜式佢都有。我哋叫咗輕井沢軟殻蟹芝士水菜卷，一客有五件，估唔到軟殼蟹同芝士嘅味道都幾夾。跟住食咗串燒：心、肝、雞頸肉、雞皮、雞翼同埋紐西蘭牛柳。 雞皮真係必食推介，夠晒香脆。雞肝味道濃郁，都唔錯。呢度嘅串燒配咗山葵汁，都幾特別。最後食埋海老天婦羅咖喱湯烏冬，大大碗，咖喱味幾香、唔會好辣。