醉忘魚屋 (Closed)

銅鑼灣登龍街可以講係一條美食街，喺永光中心有間特色居酒屋「醉忘魚屋」🏮店面裝潢使用咗漁船同海產元素，牆壁掛上好多船槳，營造出一種特色而舒適嘅用餐環境。餐廳以「醉」及「魚」為主旨，採用新鮮嘅本地、日本、澳洲同埋歐洲等地嘅食材，以傳統嘅日式烹煮手法，配合精選美酒，舌尖盡情享受海洋嘅鮮甜，Tasty & Tipsy ，感覺勁好Feel!Lunch Set 跟三款前菜、蟹肉蒸蛋、味增湯同沙律，非常豐富！🔸北海道海鮮丼($188) - 裏面有三文魚、飛魚子、蟹肉、海蝦、北寄貝、海膽、帶子等，外觀吸精，分量十足，材料鮮甜味美。🔸特上天婦羅盛盒定食（$108）- 可以加$10轉稻庭烏冬🍲 每一塊天婦羅都炸得金黃酥脆，內部卻保持食材嘅鮮嫩同原汁原味。大蝦、時令蔬菜都被巧妙地包裹喺脆皮之下，每一啖都讓人食到廚師嘅用心。烏冬麵條Q彈有嚼勁，湯底鮮美。餐廳另外主打「馬友一夜乾」，使用傳統日式做法，將整條馬友魚以鹽醃製，抽走多餘嘅水分，然後風乾一夜，做法可以進一步提升魚肉嘅鮮味，下次我一定要再去試吓！