Video
Read full review
2022-04-06
877 views
♨️ODEA尖沙咀廣東道2A號富衛1881公寓主樓地下@odeahk ❤️一早book好位食法國菜，又有我最喜愛的半戶外位，餐廳位於尖沙咀1881，環境好靚好優雅，古典舊建築好有feel, 去到覺得自己立即變咗淑女🤣🤣食物方面有2/3/4個course選擇，飲品需另加錢，整體上絕對係高質，既精緻又花巧，員工非常友善及專業，配上如此舒服既環境，疫情下都全塲滿座👍🏻📍先黎三款唔同嘅麵包籃配自家製桂花蜜糖，有脆條、軟包及法包（我就當然最鍾意食脆條，軟包普通，法包好食）頭盤：📍鮮蟹肉配蜜柑，甘筍、苣菜（蟹肉鮮甜配上好甜嘅蜜柑，好醒胃）📍自家醃製三文魚配牛油梨及無花果（三文魚醃得好出色份量亦好多）沙律及湯：📍烤薄切西冷牛配秘製燒烤醬沙律（甜甜地嘅醬配上好多件西冷牛，個底仲有好多菜，好正）📍西瓜蕃茄辣凍湯（夠晒特別好有創意，有西瓜溶配上蕃茄湯，但又凍的，而且每一啖都係辣，口感上有好多唔同嘅層次同衝擊，非常特別）主菜：📍摩洛哥風味烤雞釀蝦配西蘭花苗（嫩滑的雞肉夾住彈牙的蝦膠，再配上濃郁的摩洛哥醬，真係好特別又好食，侍應哥哥教每一啖必需要切到雞同蝦一齊放落口先係最好食👍🏻）📍燒美國牛柳配鮮蘆筍車厘蕃茄 （
尖沙咀廣東道2A號富衛1881公寓主樓地下
@odeahk
❤️一早book好位食法國菜，又有我最喜愛的半戶外位，餐廳位於尖沙咀1881，環境好靚好優雅，古典舊建築好有feel, 去到覺得自己立即變咗淑女🤣🤣
食物方面有2/3/4個course選擇，飲品需另加錢，整體上絕對係高質，既精緻又花巧，員工非常友善及專業，配上如此舒服既環境，疫情下都全塲滿座👍🏻
📍先黎三款唔同嘅麵包籃配自家製桂花蜜糖，有脆條、軟包及法包
（我就當然最鍾意食脆條，軟包普通，法包好食）
頭盤：
📍鮮蟹肉配蜜柑，甘筍、苣菜
（蟹肉鮮甜配上好甜嘅蜜柑，好醒胃）
📍自家醃製三文魚配牛油梨及無花果
（三文魚醃得好出色份量亦好多）
沙律及湯：
📍烤薄切西冷牛配秘製燒烤醬沙律
（甜甜地嘅醬配上好多件西冷牛，個底仲有好多菜，好正）
📍西瓜蕃茄辣凍湯
（夠晒特別好有創意，有西瓜溶配上蕃茄湯，但又凍的，而且每一啖都係辣，口感上有好多唔同嘅層次同衝擊，非常特別）
主菜：
📍摩洛哥風味烤雞釀蝦配西蘭花苗
（嫩滑的雞肉夾住彈牙的蝦膠，再配上濃郁的摩洛哥醬，真係好特別又好食，侍應哥哥教每一啖必需要切到雞同蝦一齊放落口先係最好食👍🏻）
📍燒美國牛柳配鮮蘆筍車厘蕃茄 （另加$108）
（看似平平無奇，但texture做得好好, 非常嫩滑多汁唔鞋有輕輕的牛味，應該係慢煮完再煎個面，medium 剛剛好）
甜品：
📍朱古力千層酥配咖啡雪糕
（四個course嘅分別就係多咗個甜品但就貴$100，食法國菜冇可能唔食甜品嘅，嘩嘩嘩，呢個真係不得了，濃郁朱古力味唔太甜亦唔苦，千層酥配朱古力層次感好出，再一口咖啡雪糕，如果平時既我一早漏到嘔咗，今次我係追住食，真係好食嘅甜品令你一食難忘，加$100我覺得絕對值👍🏻）
飲品：
📍凍、熱咖啡
（老老實實杯熱咖啡非常得，絕對好飲過哂我平時飲嘅cafe咖啡，順滑回甘有厚度👍🏻👍🏻）
📍Acqua panna 天然礦泉水
(想講佢係貴過杯咖啡，多謝$88一支加埋10%成舊水🤣）
食物：9/10
抵食：8/10
環境：9.5/10
。
。
12 views
0 likes
0 comments
Post
