尚八日式燒肉店 (Closed)

之前上網睇影片介紹，仲有朋友之間嘅對話，已經對呢一間尚八非常有好感，今次終於有機會嚟食啦。講真，雖然黃金時段黎食要$438一位，可能對某啲人嚟講比較貴，但其實去牛角都有試過要$800埋單，任食黎講真係好抵！仲要留意下！係2個鐘呀！入到去滿意其實都幾舒服，今日星期四，人流唔算太多，但係入得呢一間大廈嘅，全部都係去12樓，即係尚八個層啦！值得一讚嘅係呢一間鋪頭間隔非常舒適，唔會逼到冇哂私人空間！兩個人都可以坐四人枱！仲有好多元枱方便一家大細或者同好多朋友一齊食！一嚟到佢已經收哂menu,因為全部都手機點餐，幾方便又環保！然後就會上一盤和牛拼盤，有齊晒和牛所有部位，俾你試咗先，方便一陣再點自己鍾意食嘅部位！你見到其實深色嗰三種肉係以比較瘦一啲嘅，食落去牛味會重一啲，但就唔算入口即溶。但淺色嗰兩款就油脂感好重！食落其實會有啲油膩，但好值得讚嘅係佢有一種檸檬醬汁，配搭埋一齊啱啱好！但估唔到唔止和牛令人驚艷，連頭盤刺身都係！個海膽真係正到癲！勁大舊又鮮甜！真係去高級日本料理店都冇咁好味可惜只有頭盤刺身先會有，冇得再點。之後仲叫咗兩三轉牛同豬，款式好多，質素都非常滿意熟食都唔錯！可惜得一個胃，食唔哂