大渣哥茶記 (Closed)

同朋友去九龍灣睇戲，去大渣哥食lunch，去到好多人排隊，不過唔算等好耐就到我地。Menu好多都好吸引樣樣都想食，最後叫左個麻婆豆腐火腩飯同美祿紅豆冰麻婆豆腐雖然麻辣既香味差少少，但勝在料夠足！豆腐同火腩都大大舊😍唔似出面食汁多過食料！飯雖然睇落好多，但一路食餸都食得哂，份量岩岩好！！再黎不得不提呢杯美祿紅豆冰真係好正！！好耐無飲過正既紅豆冰，絕對可以為左佢返轉頭幫襯！紅豆夠多不特止，仲要大大粒好有咬口，美祿粉一路飲一路溶，由第一啖到最後一啖可以係唔同風味但超夾！！美祿粉、淡奶同紅豆比例岩岩好，唔會搶左任何一邊既味好正啊😍😍😍另外朋友叫左炒蛋，試左少少都好好食啊🤤熟度炒到岩岩好係我心目中完美既炒蛋🤤🤤下次一定要黎encore食炒蛋飲紅豆冰🤤🤤🤤