金記冰室 (創紀之城五期(apm)) (Closed)

喺觀塘行完街，去咗APM睇戲，睇完戲有d肚餓，見到戲院附近有間金記冰室，就毫不猶疑入咗去。餐廳依個好先進，每張枱都放咗個QR code，可以用電話掃一掃就可以自己落單同加單，仲可以check下自己落咗咩單，唔洗驚人手寫錯單，省時又方便。餐牌有好多野食，叫咗個海南雞套餐，有油飯或者白飯可以揀，再加老火湯，仲可以加半價既飲品。海南雞份量都唔少，雞既肉質好嫰，有兩種調味可以加。再加咗杯依度招牌既蛋白杏仁茶，好香杏仁味，好滑，杯入面有好多蛋白。仲有一杯薑檸樂，一絲絲既薑，好暖胃。