Video
Read full review
2022-06-24
1109 views
.📍Tardemah Bakery📍 #饅頭去尖沙咀 #饅頭食韓國菜 #饅頭食麵包------------------------------1️⃣ 六片蒜蓉麵包 ($30)呢度係一間由韓國人開嘅有機麵包舖，除咗賣唔同款式嘅特別麵包外，仲提供堂食服務，店員 (係好親切嘅韓國阿豬媽) 會幫你翻熱麵包🍞，令麵包嘅味道同香氣更加出色。今次小編試咗一份內餡含有cream cheese嘅蒜蓉麵包，表皮焗到微脆，包體氣孔非常細密💯，分佈均勻，回彈力非常高，入囗時會覺得佢似生吐司般鬆軟，然後咀嚼時發現包包其實仲多咗一重Q彈好咬嘅口感同拉扯勁😍；蒜蓉成功滲入包體嘅每一個角落，濃郁嘅蒜蓉牛油香氣同淡淡嘅麵粉香甜同時充斥著整個口腔，香惹十足，好啱我口味😆。內餡質地似Cottage cheese咁半流質中帶些少creamy嘅口感，味道酸酸哋帶濃郁嘅奶脂味道，仲混合咗Herbs嘅清新香味，同包體嘅蒜蓉牛油互唱和，諗番都覺得好好食😋。不過內餡份量好多，本身呢個包嘅材料配搭油份比例又偏高，食到最後都幾濟。------------------------------◾包體：4.6/5◾餡料：3.8/5🔸整體評分：8.4
📍Tardemah Bakery📍 #饅頭去尖沙咀 #饅頭食韓國菜 #饅頭食麵包
------------------------------
1️⃣ 六片蒜蓉麵包 ($30)
呢度係一間由韓國人開嘅有機麵包舖，除咗賣唔同款式嘅特別麵包外，仲提供堂食服務，店員 (係好親切嘅韓國阿豬媽) 會幫你翻熱麵包🍞，令麵包嘅味道同香氣更加出色。
今次小編試咗一份內餡含有cream cheese嘅蒜蓉麵包，表皮焗到微脆，包體氣孔非常細密💯，分佈均勻，回彈力非常高，入囗時會覺得佢似生吐司般鬆軟，然後咀嚼時發現包包其實仲多咗一重Q彈好咬嘅口感同拉扯勁😍；蒜蓉成功滲入包體嘅每一個角落，濃郁嘅蒜蓉牛油香氣同淡淡嘅麵粉香甜同時充斥著整個口腔，香惹十足，好啱我口味😆。內餡質地似Cottage cheese咁半流質中帶些少creamy嘅口感，味道酸酸哋帶濃郁嘅奶脂味道，仲混合咗Herbs嘅清新香味，同包體嘅蒜蓉牛油互唱和，諗番都覺得好好食😋。不過內餡份量好多，本身呢個包嘅材料配搭油份比例又偏高，食到最後都幾濟。
------------------------------
◾包體：4.6/5
◾餡料：3.8/5
🔸整體評分：8.4/10
🔸小編回頭率：7.5/10
Post
