上村牧場 (Closed)

上村牧場係銅鑼時代廣場，主打日本九州黑毛和牛薩摩牛，之前食既時候佢地係放題型式既，但而加已經變左做餐廳，肉類選擇更精挑細選，更加刁鑽！我同朋友叫左個自慢燒肉10種盛合，入面有美國和牛牛肋條，橫隔膜肉，嫩肩牛，上五花肉，薩摩牛牛五花，薩摩牛肌里肉，薩摩牛涮涮燒，牛柳粒，薩摩牛腰脊心，鑽石紋牛小排。薩摩牛肌里肉係一整件既，食落口感好嫩，無牛五花咁油，肉味好夠！薩摩牛果然名不虛傳，佢地為左保存肉既品質，仲係用手切出7mm既厚度；佢地亦由日本引入左特製沾醬，有芝麻，蘋果蓉，蔥同蒜，燒之前沾一沾，肉質會鎖得更好，味道亦會提昇！發現新食法！想食有質素既和牛，唔好錯過呀！