東海堂 (Closed)

又到左同事離職既旺季，我都因而有幸試到新款西餅。 最近留意到東海堂新出左藍莓蛋糕，主打足料鮮藍莓同藍莓醬，我都想試好耐但又冇人生日買唔到，今次有機會試到個迷你版喇。藍莓撻面頭鋪滿藍莓醬，份量多到近乎湧出黎，仲放左幾粒新鮮藍莓，味道唔會太甜，感覺好清新健康。 好欣賞藍莓醬係好天然既果味，絕無人工添味劑既感覺，可以想像中同系列既藍莓蛋糕同樣高質。藍莓撻內層其實加左層海棉蛋糕，呢個組合我一向好怕，因為個質感唔夾。 但神奇地食個撻既時候係完全感覺唔到舊蛋糕，撻皮上亦加左層朱古力保持脆身，好滿意。