円相

Open Now

Now Closed

今日嚟食呢個蛋包飯，我揀咗個魚柳咖喱飯，升級咗做蛋包飯，加咗個炸雞。同朋友人叫咗吉列豬扒咖喱飯，一樣升級咗做蛋包飯，仲要咗杯凍鮮奶咖啡。份量好多，咖喱唔辣，係日式甜咖喱，個蛋包飯份量好大，好多蛋，食極都仲有。 個蛋好有蛋味，同埋好滑，面頭仲有少少蛋汁，同埋香草，都幾香，唔係煮到好老好嚡嗰啲。 去到個炸魚柳，炸得好香脆，魚塊唔腥。 最鍾意啱啱炸到熱辣辣就可以食。 個炸雞都係，個炸醬好薄，裏面雞肉好有肉汁，平時喺出面食炸雞，好驚好油同埋好鹹，呢間嗰調味啱啱好。 個炸豬扒都係，好大塊同埋厚肉。呢度嘅食物質素都唔錯，至於杯凍咖啡就同平時飲開嘅差唔多正常發揮。