Casamigos

Open Now

Now Closed

今日幾個朋友話帶我去銅鑼灣有間高質西班牙餐廳🍴天氣唔凍唔熱我哋坐咗係室外成個感覺都好chill，好啱一班人去食飯傾偈🤭⭐️北海道帶子刺身 $128帶子刺身夠新鮮配上日式麻油柚子醬，麻油增加香味，柚子醬酸酸地令到刺身更加清新。🤩燻熟成吞拿魚薄片 $158燻熟成吞拿魚薄片比一般更有煙燻味，配上調味洋葱食味道會再濃烈啲。🍳西班牙薯仔蛋餅 $98薯仔蛋餅入面有少少Parma ham增加鹹香感，加上薯仔同埋蛋餅一齊食，非常好食嘅開胃菜。🥘西班牙海鮮飯 $298上面有大蝦、青口、蜆，用上海鮮汁去煮，飯粒分明、口感煙靭。🥓西班牙烤乳豬 $398皮脆肉嫩夠厚肉，調味啱啱好，配上黑醋汁可以平衡油膩感。🍖薑味橙香橡果西班牙黑毛豬鞍架 $238生熟度啱啱好，肉質完全唔靭，食到少少薑味。伴菜炸羽衣甘藍加薯蓉好好味。🍫紅絲絨油條配士多啤梨朱古力醬 $88外脆內軟，紅絲絨內裏比較濕潤，淋上士多啤梨朱古力醬係超正嘅西班牙甜品。🍹Mocktail Golden Seacoast $108我揀咗一隻酸甜都比較平衡嘅mocktail，用上橙汁同埋熱情果加少少雲呢拿加7喜，可以解油膩又好飲。