Cocina 3 Tapas Restaurant & Bar (Closed)

餐廳十分就腳，經奧運站商場直達，打風落雨都無有怕。餐廳空間感大有情調，播住音樂，難怪有不少人在此慶祝生日。NUTS $45餐前小食墨西哥脆片卜卜脆味濃，唔覺意會一塊接一塊咁食。香煎蟹餅 $168蟹餅大大件，蝦膠混入絲絲蟹肉，口感扎實彈牙，如果再多D蟹肉同另配有醬汁會更美味。龍蝦汁大蝦海鮮闊條麵 $148龍蝦汁味濃，闊條麵口感煙韌好掛汁。仲有不少海鮮如大蝦，蜆肉，魷魚等，大蝦新鮮爽口，一啲都唔失禮。西班牙地道海鮮魚$188上菜後店員會代勞打開牛油紙，香味即時撲鼻，魚肉無骨啖啖肉，忌廉汁味道剛好不會搶過魚的鮮味，底部仲有香橙片提鮮，是很讚的一道菜。伴菜有甘筍、西蘭花及薯條，粗薯咬落有質感，甘筍清清甜甜。