Casamigos

Open Now

Now Closed

今晚放工約咗朋友去銅鑼灣食飯，朋友揀咗呢間西班牙餐廳，地理位置非常方便，銅鑼灣地鐵站C出口過對面馬路嘅大廈上3樓就到，餐廳有室外同戶外環境。我哋坐室內環境，環境好乾淨同埋氣氛好好，另外服務非常之好，侍應會主動收碟同埋換碟，亦時常主動加水，非常有禮貌！另外，平日夜晚都好多人食晚餐，好彩有預先幾日book位！1.西班牙海鮮飯🍤外觀非常吸引，飯粒有少少偏硬，但味道好香，食落有龍蝦同海鮮嘅鮮味。而配料有藍青口、蝦、大蜆，每樣都非常大，特別係大蝦，煎得好香口，有鮮甜嘅味道！2.香脆甜椒煎蟹膏蟹餅北海道黑蟹子🦀一啖一蟹餅，表層香脆，切開見到有蟹肉同埋青椒，最欣賞係醬加埋黑蟹子，每啖嘅層次都好豐富！3.西班牙薯仔蛋餅🥔呢個西班牙特色蛋餅大推！薯仔蛋餅表面煎到好香脆，蛋味好濃郁，切開係可以見到好多洋蔥，加埋整碎咗嘅薯仔，成個味道好match，同埋一切開係流心蛋，食落口非常juicy!4.蒜蓉白酒汁煮蜆蜆係又大隻，份量多，好欣賞佢嘅白酒底係好濃郁，突出咗蜆嘅鮮甜，呢個都推薦！5.香煎鵝肝多士配甜酸青瓜柚子莎莎鵝肝好大份，油脂濃，甜甜酸酸嘅醬可以平衡返鵝肝食落口嘅油膩，加埋脆卜卜嘅多士，個口感好豐富，好好