歐意餐廳 (Closed)

嗰日同屋企人出街，去左一呢間餐廳食晏昼飯。佢係一間普普通通既西餐廳，環境乾淨企理，裝修唔會太誇張，燈光又明亮，我好鍾意。我同屋企人分別叫左吉列豬扒蛋包飯($56)同咖哩牛肉飯($50)。分量都幾大，尤其個豬扒蛋包飯。大大塊既豬扒配上鋪滿茄汁同蛋黃醬既蛋包飯，件豬扒唔會同個炸衣分離又唔會炸得太乾，配埋啲豬扒汁簡直係絕配。個咖哩牛肉飯就係一個正正常常既咖哩飯，唔會好辣。但係個咖哩汁比左我地一個好大既驚喜。咖哩味好濃郁好滑，啲香料唔會搶出黎，可以話係一個好溫和既牛肉咖哩。啲牛肉同牛筋炆得啱啱好，唔會太林又唔會太韌，有啲口感。呢間餐廳好抵食，大大份又唔貴，強推!