Moreish & Malt (鴻圖道) (Closed)

午市有套餐揀咗一人雙拼組合。小食揀咗蟹肉牛油果三文魚子脆餅 。呢個好食！蟹肉夠多，牛油果夠清新；然後仲有三文魚子點綴。脆餅夠脆，做小食真係唔錯。加$38要餐湯，係番茄湯。蕃茄味夠香濃，但係又唔會太酸。調得剛剛好 ，而且仲有麵包，有香草味都幾好食。主菜揀咗紐西蘭肉眼扒，牛扒都好好食！煎得啱啱好，有grill過嘅味道。有牛香，肉質唔錯。另外想叫咗個手撕豬肉熱狗🌭️呢個有驚喜，入邊充滿手撕豬肉，啲肉唔會鞋；而且仲有熱狗腸，入面仲有酸菜調味。真係必叫！仲配有薯條幾香脆！飲品叫左Aperol Spritz，酸酸甜甜幾好飲。另外叫咗朱古力咖啡，咖啡味好香，我推介咖啡！