Amour Corner (Closed)

七夕呢個中國節日約左親愛的到旺角食下西餐浪漫一下。入到餐廳見到個環境都不錯。因此親愛的都幾鍾意生蠔，所以叫左生蠔同埋一個二人晚餐。生蠔 - 十分新鮮，肉質口感十分好，入口有淡淡既海水味，加埋檸檬汁已經足夠好味，而且每隻都十好大隻，好肥美。巴馬火腿哈蜜瓜 - 二人套餐既前菜，咸既火腿加上甜既蜜瓜，甜同咸既對比係幾有趣既組合。青蘋果鵝肝多士 -鵝肝煎得十分軟熟，青蘋果既清脆。如果淨係食鵝可能會覺得太油，但加埋青蘋果就完全中和左油膩既感覺。沙律- 蔬菜新鮮菠菜汁三文魚意粉-主菜之一，菠菜汁配上沙邦尼汁，菠菜令到成個意粉無咁肘膩，唔會食幾啖就唔想再食落去。唯一不足之處就係三文魚肉唔算好多，如果更多三文魚肉就更佳。烤澳洲牛柳扒-另一個主菜，叫左五成熟，肉烤得好淋，食落唔會有渣。而且份量都幾多，十分厚身。加上燒汁，喜歡食肉既朋友一定要試下。提拉米蘇/牛奶布甸 -牛奶布甸好重牛奶味而且唔會太甜，幾好。最後飲完檸檬茶消消滯就去行下街。 埋單約600都不算太貴。