Chef's Movement

Open Now

Now Closed

呢間小店位於一條小街，一條街已經有三間西餐了，今次試呢間，叫完先見到好多人都食burger，可能好出名，下次再試！個菜蓉湯好飲呀！應該加左嘅芝士落去，飲嘅時候有少少拉絲，個沙律都好食！軟殻蟹龍蝦汁意大利飯（$78）軟殻蟹好大隻，脆卜卜，應該即刻炸起，但係好鬆脆，一啲都唔會覺得油膩，意大利飯唔會好硬，個醬汁好creamy，配埋芝士塊好食！蒜香牛油虎蝦扁意粉（$68）有三隻蝦，（有一隻俾漏左後上），蝦嘅size好參差呀，一隻好大一隻好細，但都新鮮，牛油味香，扁意粉好食，如果可以乾身少少更好！份量較少，但食完都夠飽！仲要全日免收加一，呢個質素真係好抵食！