Library Restaurant and Bar

Open Now

Now Closed

今日同朋友仔去尖沙咀食晚飯，行下行下就入左Library restaurant and Bar。餐廳感覺環境5錯，我哋一共4人，叫左6碟，食到超飽，哈哈，係一間食物質素高質又份量大既餐廳。 我哋叫左松露醬炸薯條，全部熱辣辣上菜，松露味5太濃，好啱我哋口味，5會一大陣汽油味，份量都好足料。 第二個菜係茴香豬肉腸貓耳朵粉，有少少辣味，可以接受，第一次食貓耳朵粉，其實都幾得意，中間位係有少少硬，不過又掛汁，5錯既新嘗試。 第三個菜係忌廉白酒煮藍青口，味道香濃，忌廉汁好creamy，青口新鮮，食落5會有陣雪味，隻隻都肉質肥美，一份大約有十隻，四人分享就5太足夠，每人得兩隻，因為太好食，最尾兩隻要猜包剪揼去決定。伴碟仲有幾塊脆多士，沾上忌廉白酒汁，非常完美。 最後三個菜係羊牛豬，全部都好軟嫩爆汁，雖然有少少貴,不過無論外觀定味道都有一流水準。