CHiLL-i (Closed)

今日去咗觀塘返工,喺觀塘食飯真係好多選擇,近期經常我哋都會幫襯呢間餐廳。CHiLL,-i 餐廳位置喺開源道60號駱駝漆大廈第三座11樓b,餐廳地方雖然唔大,但空間感亦都足夠,裝修得好有格調,喺度食飯感覺都幾放鬆。前菜有餐湯餐包同沙律,沙律酸酸甜甜開胃菜真係一流。晚市套餐西班牙黑毛有骨豬扒,配意粉183元, 豬扒煎到啱啱好,旁邊位置帶點焦香增添口感同味道層次,食落去豬扒好嫩滑好juicy,味道香濃,意粉亦都煮到啱啱好,軟硬度適中, 我好怕啲意粉煮到太冧冇咗個口感,原條檸檬龍脷魚 231元,配蔬菜,魚肉溫和鮮甜,望落去魚肉條理分明,完全冇魚腥味道,魚肉細嫩口感幼滑,配埋檸檬醬汁,令魚嘅鮮味更加突出。玫瑰鮮奶咖啡, 玫瑰咖啡入口咖啡味香濃,帶點玫瑰花嘅清香,賣相非常精緻。棉花糖可可,忌廉加上朱古力,味道香甜幼滑。