Su Casa (Moved) New Location

跟好友約會食個飯，最重要係環境好，可以邊食邊傾下心事，近近地石門呢間西餐廳正正合適，舖面都算大，全場深淺兩款綠色座椅感覺好Fresh，環境舒服，服務員笑容好好，有禮，是日餐湯蕃茄忌廉湯配蒜蓉多士，稀結度適中，質感夠滑，德國腸拼盤配酸椰菜，有三款腸，味道口感各有不同，配沙律菜加酸椰菜味道好夾，紐西蘭肉眼扒，嫩口重牛味，保持到肉汁，軟殼蟹天婦羅乾蕃茄意粉，份量多，好啱我口味，意粉口感剛剛好，值得推介，甜品好多選擇，最後揀左意大利芝士餅，不太好甜品的我，都覺得好好味，不會太甜，菠蘿有機奇亞籽綠茶，有凍有暖選擇，夠味足料，家長唔怕小朋友唔啱食，餐廳好貼心地有三款兒童餐比大家選擇，我見服務員仲會拎部小型扭蛋機比小朋友扭，有得食有得玩，小朋友開心，家長就放心。