相馬日式火鍋 (Closed)

依家餐廳做緊無限時嘅任食火鍋放題，超級吸引，勁豐富勁多嘢食！先試下佢地香氣四溢既胡椒花膠湯，花膠浸係濃郁既湯底入面，膠質滿滿，非常濃味，超級好味！之後就試下任食既羊腩煲，羊腩非常新鮮，羊肉肉質鮮嫩多汁，食一啖令人彷彿置身於大草原既自由之中，汁濃味香，勁好食！同樣任食仲有唔同嘅肉類，其中進口牛肉都係任食，牛肉質地鮮嫩，口感滑爽，肥美香嫩，每一啖牛肉都充滿佐濃郁既香氣，牛味十足！而對於海鮮愛好者黎講，海鮮都係任食，無論係鮮嫩多汁既海蝦，定係鮮美可口既青口、蜆、生蠔或者東風螺，餐廳都都應有盡有。每一啖海鮮都帶到滿滿既幸福感！同時其他炸物串燒都係任食，即叫即整，好新鮮！