Video
Read full review
2017-02-26
1895 views
當晚同2個朋友一齊去，所以叫多幾款唔同既野食。巴馬火腿伴蜜瓜 先講講中間既沙律，火箭菜好清爽，車厘茄新鮮多汁。旁邊既蜜瓜好甜，仲帶有小小幽香。另外，火腿一片好大塊，有小小厚度，肉質非常柔軟，只帶少量脂肪，味道偏咸，必須搭配沙律菜同蜜瓜一起食用。此前菜我認為夠4個人分黎食。黎呢度當然唔少得要試下生蠔啦，我地就揀左兩款幾唔同既口味比較一下USA Taylor Pacific Rock(圖中下面4隻較大的)比較大隻，有手掌流般大小，肉地好飽滿，食起上黎好creamy，鮮甜肥美，而且處理得非常好，海水味唔太重較清淡France KYS Marine(圖中上面4隻較小的)比較細隻，感覺上瘦D，質感上沒有之前那般滑溜，食落肉質較實在，有小小爽口，裙邊亦都好有咬口，而且食落帶小小海水咸味燒挪威三文魚柳 呢味菜式睇落去顏色十分豐富，除左有小小新鮮車厘茄同脆肉瓜伴碟之外，仲有一小塊檸檬俾客人自己調味，魚柳上面仲有一浸黃色的醬汁，甜甜酸酸幾開胃。主角三文魚柳好厚身，約有一隻手掌大小，燒至八、九成熟，上層連埋魚皮比較熟，肉質較實淨，有一陣燒烤既魚香味，加上小小調味粉更加惹味，下層部份仍然呈半生熟狀態，肉質比
當晚同2個朋友一齊去，所以叫多幾款唔同既野食。
巴馬火腿伴蜜瓜
$98
31 views
0 likes
0 comments
巴馬火腿伴蜜瓜
先講講中間既沙律，火箭菜好清爽，車厘茄新鮮多汁。旁邊既蜜瓜好甜，仲帶有小小幽香。另外，火腿一片好大塊，有小小厚度，肉質非常柔軟，只帶少量脂肪，味道偏咸，必須搭配沙律菜同蜜瓜一起食用。此前菜我認為夠4個人分黎食。
黎呢度當然唔少得要試下生蠔啦，我地就揀左兩款幾唔同既口味比較一下
生蠔
55 views
1 likes
0 comments
USA Taylor Pacific Rock(圖中下面4隻較大的)
比較大隻，有手掌流般大小，肉地好飽滿，食起上黎好creamy，鮮甜肥美，而且處理得非常好，海水味唔太重較清淡
France KYS Marine(圖中上面4隻較小的)
比較細隻，感覺上瘦D，質感上沒有之前那般滑溜，食落肉質較實在，有小小爽口，裙邊亦都好有咬口，而且食落帶小小海水咸味
燒挪威三文魚柳
$218
41 views
1 likes
0 comments
呢味菜式睇落去顏色十分豐富，除左有小小新鮮車厘茄同脆肉瓜伴碟之外，仲有一小塊檸檬俾客人自己調味，魚柳上面仲有一浸黃色的醬汁，甜甜酸酸幾開胃。主角三文魚柳好厚身，約有一隻手掌大小，燒至八、九成熟，上層連埋魚皮比較熟，肉質較實淨，有一陣燒烤既魚香味，加上小小調味粉更加惹味，下層部份仍然呈半生熟狀態，肉質比較軟，可以食到三文魚最原本的鮮味。
香蒜欖油帶子扁意粉
$158
36 views
0 likes
0 comments
這個扁意粉帶有一陣微微的蒜香，雖然表面上可以睇到一層油光，但食落完全唔覺得膩。扁意粉里面加入了小小香草用作調味，還有幾條黃椒絲增加口感。扁意粉比較粗，但食落一D都唔硬，幾彈牙，又不會煮得太腍，成碟野整得幾干身，扁意粉吸收曬個汁，好入味，食起黎幾爽快。 最後就係帶子啦，粒粒都有兩隻手指公咁大，其中一面睇得出有輕輕煎過一下，可以鎖住水份，所以咬落去粒粒帶子都鮮嫩爽口，仲食到應有既鮮甜味。
雜錦海鮮披薩
$168
33 views
0 likes
0 comments
呢個係一款薄薄既pizza，但份量亦唔算少，中間充滿烤至融化既芝士，上面分佈不同既海鮮，鮮蝦爽口，魷魚彈牙，火侯控制得好好，不會烤到D料太乾，加上千島醬汁，係一個最穩陣，最大眾化口味既配搭。
美國頂級天然安格斯肉眼(12oz)
$428
27 views
0 likes
0 comments
美國頂級天然安格斯肉眼(12oz)
$428
62 views
0 likes
0 comments
今晚的主菜終於黎啦，美國頂級天然安格斯肉眼(5成熟)，旁邊的厚切炸薯條同蔬菜就算再好，都被比下去，相片中係12oz的安格斯肉眼牛扒，有厚度之餘，仲有一定大小，一個人食黎講份量係相當足夠的。牛扒表面的網紋十分清晰，賣相好吸引，還有陣陣烤熟的香味，上面邊緣位置有小小脂肪，肉的部分切落去仍然是很腍，沒有什麼筋，很容易切，將小小脂肪的肉一併放落口咀嚼，會有很濃的牛肉味，而且從圖片可以看見肉汁非常豐富，令人想一口接一口咁食唔停。
法式焦糖布丁
$56
31 views
0 likes
0 comments
這個甜品雖然較為簡單，但要做得好食都唔容易，最上面有新鮮士多啤梨同藍莓，小小的果酸味可以襯托出下面布丁單純的甜味，令人食落唔會覺得膩。水果下面是一層焗到金黃色的，薄薄的脆焦糖，除左增加不同甜味外，還可以增加口感。最下面就係布丁啦，火侯控制得好好，質地軟綿綿，滑嘟嘟，不會太實又不會太稀，而且蛋味濃郁。
鮮果拿破崙 呢個甜品整得相當精美，簡單黎講就係幾層酥皮加上大量水果，但擺設同構圖就好有心思，望落去就好似一幅畫咁，唔捨得食。先講酥皮，焗到好脆口，食落又有牛油香味，夾埋上面的糖霜一齊食就特別易入口，明知係肥ga啦，但都食唔停口。另外水果種類非常多，大多都係以甜味為主，略有帶酸的，加以增加口水分泌，令整個甜品食起上黎唔會好heavy。
特濃心太軟
$72
32 views
0 likes
0 comments
朱古力心太軟既基本當然就係要做到流心效果啦，而呢到亦都整得相當出色，輕輕切開液體既朱古力就流出黎，當中意想不到既係里面帶有小小酒味，食完真係成個人冧曬，蛋糕質地亦都十分鬆軟，我地亦都可以選擇用周圍既核桃碎點朱古力黎食，另外雲呢拿雪糕亦都唔馬虎，好滑溜。
Other Info. :
餐廳環境情調氣氛都不錯，適合情侶約會進餐。
(The above review is the personal opinion of a user which does not represent OpenRice's point of view.)
Post
