十三少 (Closed)

同中同約食飯，佢話想食酸菜魚，我就上網睇下附近有乜酸菜魚推介，見到呢間十三少好多人推介，就去試下。🤩無諗過平日晚市都咁爆，超多街坊幫襯。😂的確係好正，坐得幾舒服，而且食物質素真係好高，我同朋友都好鍾意，係值得推介。👍🏻十三少酸菜魚 (小辣)一上枱真係嚇親，勁大碟，以為叫錯咗勁量版。😅其實只係正常size。麻味足夠，不過辣比我想像中冇咁勁，下次可以叫中辣試下。湯底好入味，又唔會飲到好口渴，唔錯。魚超滑，呢碟應該係我食過嘅酸菜魚Top 3。😋麻婆豆腐 豆腐好滑，個醬都做得好出色，麻辣得好過癮。👍🏻送飯食真係一流。椒麻皮蛋 皮蛋口感唔錯，有小小流心既感覺。味道係幾好的，如果再麻d就仲正。🤩係值得一試。