香港鴻興隆中華菜館 (Closed)

早幾日放工約咗朋友喺尖沙咀食飯，冇特別揀到去邊間餐廳食，但經過見個裝修幾靚就行咗去入去試下。我哋三個人叫咗幾樣嘢食，包括酸菜魚、炒四季豆同埋揚州炒飯。我自己就最鍾意酸菜魚，本身我都鍾意食辣同魚嘅，但佢呢個真心幾高質，啲魚啖啖肉得嚟又冇骨，幾嫰口，而且唔會淨係得酸辣味，堅係食到魚鮮味！價錢以香港嚟講算幾抵。至於炒四季豆同揚州炒飯就係一般菜館嘅正常發揮，都炒得幾有鑊氣，同埋幾乾身。個份量就啱啱好，我哋見佢個餐牌都有幾多特色食物，下次有機會會再試。